Gazetë

Bashkia Finiq ndodhet gjithmonë pranë qytetarëve të saj dhe, duke pasur parasysh nevojat e tyre të veçanta, kryen veprime për të krijuar mundësi të barabarta për të gjithë. Bazuar në këtë parim, një projekt i madh i furnizimit me ujë për vaditje dhe mbrojtjes nga përmbytjet u përfundua kohët e fundit në fshatin Shën Jan.
Ky projekt u ofron fermerëve të zonës mundësinë për të përdorur ujërat e lumit në funksion të prodhimit të tyre bujqësor. Më konkretisht, në kuadër të këtij projekti, punëtorët e shërbimeve të bashkisë sonë pastruan shtratin e lumit Kalasë në gjatësi prej 600 metrash. Në mënyrë më specifike, theksojmmë se sasia e mbeturinave të larguara nga lumi pas pastrimit arriti në 700m3.
Pas kësaj, vijoi ndërtimi i një dige me volum 2.140 m3, e cila do të rregullojë rrjedhën natyrore të ujit, duke minimizuar mundësinë e daljes së lumit nga shtrati dhe rrezikimin e zonave përreth. Për ndërtimin e digës, Bashkia e Finiqit ka bashkëpunuar me Drejtorinë Rajonale të Ujërave dhe Kanalizimeve të Fierit. Përveç kësaj, u krye devijimi i shtratit të lumit dhe hapësira u përshtat në mënyrë të tillë që të mund të ujiten pa probleme 30 hektarë tokë. Kryetari Leonidha Hristo mbikëqyri personalisht mbarëvajtjen e punimeve deri në përfundimin e projektit.

Ditët e fundit në fshatin Sopik kryhen me ritme të lartë punime të ndryshme. Këto punime kanë të bëjnë kryesisht me rehabilitimin e një segmenti të aksit rrugor të fshatit i cili kishte pësuar dëmtime për shkak të kushteve të rënduara të motit.
Kryetari, Z. Leonidha Hristo, duke vlerësuar vështirësitë e lëvizjes dhe të punës, me të cilat përballen banorët e këtij fshati, vendosi dhe urdhëroi rehabilitimin e menjëhershëm të rrugës. Deri tani janë kryer parapërgatitjet e nevojshme me qëllim të mëtejshëm shtrimin e saj me beton. Këtu duhet të theksohet se punëtorët e shërbimeve të bashkisë sonë të ndodhur atje kryen dhe riparimin e çezmës së dëmtuar të fshatit, së cilës gjatë viteve nuk i ishte bërë asnjë riparim apo shërbim mirëmbajtjeje.

Bashkia Finiq qëndron gjithmonë pranë nevojave të qytetarëve të saj. Kohët e fundit u përfundua riparimi i një kanali të madh vaditës në Krane. Ky projekt është një vazhdim i projekteve të rehabilitimit të rrjetit vaditës, të cilat kryetari Leonidha Hristo mbikëqyr personalisht. Kanali ujitës i rehabilituar M-1 përfshin gjashtë tuba çimento me diametër ф 40 dhe një pusetë akumulimi të ujit. Këtu duhet të theksohet se para përfundimit të projektit, ky kanal kishte qenë jashtë funksionit për fshatin. Kjo pasi në atë vend grumbullohej një sasi e madhe uji dhe mbeturinash, gjë që e bënte këtë segment rruge të pakalueshëm. Megjithatë, përfundimi i projektit ka ndryshuar krejtësisht gjendjen e mëparshme, pasi pjesa e kanalit të riparuar dhe të mbuluar me beton tani funksionon jo vetëm për vaditje, por dhe si një rrugë rurale.

Bashkia e Finiqit, duke menduar gjithmonë për nevojat e qytetarëve të saj, ndërmori krijimin e një vendi çlodhjeje dhe freskie pranë çezmës së Ardhasovës. Në fazën e tanishme kanë filluar punimet për konfigurimin e vendit dhe rindërtimin e çezmës. Ajo që pritet të krijohet pas përfundimit të punimeve është një hapësirë mjaft e bukur dhe estetike, e cila do të ketë një hapësirë të gjelbër, zonë parkimi dhe stola te të cilat do të pushojnë kalimtarët dhe drejtuesit e automjeteve. Ky projekt së shpejti do të jetë gati dhe përfundimi i tij do të sjellë një përmirësim estetik në imazhin e zonës sonë.