Punët Publike

Në fshatin Jermë ishte dje brigada e përmirësimit të rrugëve të bashkisë Finiq, e cila pas punës së kujdeshshme paraprake me 54 m3 beton ka shtruar 140 metra linearë rrugë në segmentet e vështira të lagjeve. Me qëllim që të mos ndalojë këtu përpjekja e përmirësimit të infrastrukturës në këtë fshat, kryetari i bashkisë zoti Kristo Kiço u bën thirrje të gjithë banorëve të këtij fshati të kontribuojnë edhe vetë pasi së bashku, bashkia dhe qytetarët, mund të ndryshojnë pamjen e fshatit.

Ka shumë kryetarë fshatrash në bashkinë e Finiqit që përkushtohen seriozisht në rolin e tyre duke treguar jo vetëm përkujdesje por duke kontribuar edhe materialish për t’u realizuar diçka e mirë në fshatin e tyre. Njëri prej tyre është edhe Grigor Naçi në fshatin e vogël të Velahovës. Me rastin e ιnvestimit të programuar nga fondi i bashkisë të 50 m3 beton dhe hekur në dy pikat e vështira të rrugës së këtij fshati malor, vetë ai dhuroi për realizimin e punimeve të tjera në fshat rrogën e një viti si kryetar i fshatit. Ky veprim frymëzon dhe bashkëfshatarët e tjerë për të vazhduar shembullin e tij për të dhënë në vazhdimësi pjesën e tij për të mirën e përbashkët. Segmentet e rrugës në total 140 m linear që realizoi bashkia si dhe punimet që u bënë në përgjithësi kësaj here për përmirësimin e infrastrukturës dhe për krijimin e vendeve të argëtimit është një shënjë optimiste që mund të ndryshojë faqen e Velahovës.

Në fshatin Krane , me gjallërinë më të madhe dhe me peripecitë e shumta të kohëve të fundit , u përqëndrua këto ditë ekipi i shërbimeve të infrastrukturës së bashkisë Finiq , për përmirësimin e rrugëve të brendshme. Në pikat më të rëndësishme ku shtresat e rrugës ishin bërë të rrezikshme për kalimin e automjeteve dhe të kalimtarëve, u investuan 98 metër kub beton duke realizuar rreth 290 metra linearë rrugë. Ky investim është i pari në Krane që nga momenti i krijimit të bashkisë mbas reformës territoriale të vitit 2015.

ANULLIM TENDERI

PAJISJE – QENDRA KULTURORE Livadhja, Del 3.3.4, PROJEKTI “RyTHM”
Fostering Creativity and Connecting Cultural Assets through Monuments

VENDI – LIVADHJA, FINIQ/SHQIPERI
1. Referenca e publikimit
Numri i refernces : Nr 2
2. Procedura
Tender i hapur lokal me publikim
3. Titulli i programit
Programi – Interreg IPA II Cross-Border Cooperation Programme, Greece -Albania 2014-2020
4. Financimi
Marreveshja e Financimit ne kuader te projektit “RyTHM / Bashkimi Europian dhe Bashkia Finiq
5. Autoriteti kontraktues
Bashkia Finiq
6. Fondi limit
130 000 Euro (pa TVSH)

7. Arsyet e anullimit
Kjo procedure prokurimi ishte nje procedure locale e hapur me publikim per konsortiume kompanish me experience ne fushen e sistemeve audio-vizuale, te ndricimit, mobilimit dhe kondicionimit. Tet re konsortiumet qe shprehen interes dhe kaluan fazen e vleresimit administrative te vlefshmerise deshtuan ne dhenien e ofertes teknike per certifikatat e origjines se cdo produkti, kriter baze per te fituar tenderin sipas PRAG 2019 per prokurim pajisjesh mbi vleren 100000 EURO.
Per rrjedhoje kjo procedure tenderi ANULLOHET
Tenderi do te ri – lancohet duke perdorur nje metode tjeter prokurimi, pa njoftim paraprak.

U inagurua ditën e Mërkurë data 10 qershor 2020 ujësjellësi i ri i fshatit Kostar të Bashkisë Finiqnë prezencë të kryetarit të bashkisë zotit Kristo Kiço, përfaqësuesit të konsullatës greke në Gjirokastër zotit Konstantinos Mihelis, këshilltarëve bashkiakë dhe banorëve të fshatit. Kjo vepër e cila ishte ëndrra shekullore e Kostaritëve bëhet realitet pas një bashkëpunimi të banorëve të fshatit dhe bashkisë Finiq. Bashkia ndihmoi me materiale dhe me fuqi punëtore. Investimi arrin vlerën tre milion lekë nga të cilat 10 mijë euro janë kontribut i familjeve të fshatit. U ndërtuan tre depo uji dhe linja prej 1600 m/l
Në fjalën e tij gjatë inagurimit kryetari i Bashkisë, zoti Kiço pasi vlerësoi nismën e marrë nga banorët për të realizuar këtë vepër të rendësishme , theksoi se këtë shembull duhet ta ndjekin edhe fshatrat e tjera për të përmirësuar së bashku kushtet e jetesës në vendlidjen tonë. Me këtë rast shpalli edhe lajmin e mirë për fillimin e punimeve në ujësjellësin rajonal të Merkos në Njësinë Administrative të Alikos nga i cili do të furnizohen 13 fshatra me ujë të pijshëm.
Përfaqësuesi i konsullatës greke në Gjirokastër zoti Mihelis midis të tjerave theksoi se uji është kulturë, jetë, zhvillim. Me frymë bashkëpunimi dhe unitet mund të arrijmë shumë gjëra në jetën tonë.
Banorët e fshatit falënderuan kryetarin e bashkisë zotin Kristo Kiço për bashkëpunimin e përkryer që kishte me ta në realizimin e veprës.

Përfunduan punimet e hapjes së segmentit rrugor të hyrjes së fshatit Pecë në bashkinë e Finiqit, i cili për shumë kohë ishte i pakalueshëm për shkak të rrëshqitjeve. Kryetari i bashkisë zoti Kristo Kiço kërkoi ndihmën e shoqërisë AGBES CONSTRUKSION që kryen punime në segmentin e rrugës Kardhiq -Delvinë cila u përgjigj menjëherë duke dërguar makineritë e rënda dhe si rezultat janë kryer rreth 4.500 metër kub gërmime, u hapën kanale kulluese dhe u shtrua me bigor i gjithë segmenti .
Kryetari i kryesisë së fshatit zoti Vasil Gazeli dhe të gjithë banorët e fshatit Pecë falënderojnë kryetarin e bashkisë Finiq dhe administratorët e shoqërisë AGBES CONSTRUKSION që mundësuan zgjidhjen e një problemi kaq serioz për fshatin e tyre.

Operacioni për përmirësimin e rrugëve me të ardhurat e veta apo me ndihma të qytetarëve në çdo fshat të Bashkisë së Finiqit vazhdon sipas programit të autoritetit drejtues të saj. Kjo javë u mbyll me përmirësimin e tre segmenteve të shkatërruara në fshatin Vrion si dhe me kryerjen ndërhyrjeve në kanalin vaditës KK3 për të realizuar në kohë vaditjet e kërkuara kultivuesit e misrit, vreshtit apo të jonxhës në Vurgun e Sipërm.
Në fshatin Vrion u shtruan në total me beton rreth 300 metra rrugë në maloren e Mulirit, në Lagjen e Sipërme dhe mbi kishën e Shën Mamas, si dhe u shtrua me bigor rruga nga Shelegari deri tek shkolla 9-vjeçare.
Kryetari i fshatit zoti Leonidha Harito dhe banorët e përhershëm të fshatit i shprehën mirenjohjen e tyre ndaj kryetarit të bashkisë zotit Kristo Kiço për mbajtjen e fjalës së dhënë para zgjedhjeve për realizimin e këtyre investimeve të cilat ishin vërtet të domosdoshme në këtë fshat.

TEMA: Njoftim për shtyrjen e afatit të tenderit

Livadhja – Pajisjet e Qendrës Kulturore, Del 3.3.4 Projekti “RyTHM” – Project Fostering Creativity and Connecting Cultural Assets through Monuments
Nr . Ref. 02
Bashkia Finiq, synon të japë një kontratë furnizimi për Pajisjet e Qendrës Kulturore-Livadhja , Del 3.3.4 “RyTHM” – Projekt, Fostering Creativity and Connecting Cultural Assets through Monuments me ndihmë financiare nga INTERREG IPA CBC Greqi – Shqipëri 2014 -2020.
Bazuar në kërkesën e konsorciumit të kompanive, të cilët shprehin interes për pjesëmarrje në tender, Bashkia e Finiqit, duke marrë parasysh vështirësitë e krijuara për shkak të situatës së Covid -19 për kompanitë koordinuese për përgatitjen e dokumenteve të tenderit, zgjat afatin e fundit të dorëzimit të dokumenteve me 15 ditë.
Konsorciumet që kanë shprehur interes janë të ftuar të paraqesin ofertat e tyre brenda 1.06.2020
Informacioni i mundshëm shtesë ose sqarimet / pyetjet do të publikohen në faqen e internetit të Autoritetit Kontraktues, si dhe personit përgjegjës vijues
VELTA DALANAJ
Bashkia Finiq
FINIQ, Kodi postar 9716
Tel +355686055695

E-mail: [email protected],
[email protected]