Një flotë e re automjetesh, që i shtohen atyre në dispozicion, është investimi i ri i Bashkisë Finiq për të përmirësuar në mënyrë të ndjeshme shërbimet ndaj njerëzve dhe komuniteteve në çdo cep të territorit të bashkisë, e cila radhitet në pesë bashkitë me shtrirjen territoriale më të madhe në vend.
Katër automjetet janë të tipit ‘kamionçinë pick-up 4×4’ dhe janë vënë në shërbim të Drejtorisë së Shërbimeve Publike, Mjedisit dhe Gjelbërimit, të Policisë Bashkiake, të Ndërmarrjes së Ujësjellësit dhe Kanalizimeve, si edhe të Shërbimit të Zjarrfikësve.
