Gazetë

Përfunduan punimet e hapjes së segmentit rrugor të hyrjes së fshatit Pecë në bashkinë e Finiqit, i cili për shumë kohë ishte i pakalueshëm për shkak të rrëshqitjeve. Kryetari i bashkisë zoti Kristo Kiço kërkoi ndihmën e shoqërisë AGBES CONSTRUKSION që kryen punime në segmentin e rrugës Kardhiq -Delvinë cila u përgjigj menjëherë duke dërguar makineritë e rënda dhe si rezultat janë kryer rreth 4.500 metër kub gërmime, u hapën kanale kulluese dhe u shtrua me bigor i gjithë segmenti .
Kryetari i kryesisë së fshatit zoti Vasil Gazeli dhe të gjithë banorët e fshatit Pecë falënderojnë kryetarin e bashkisë Finiq dhe administratorët e shoqërisë AGBES CONSTRUKSION që mundësuan zgjidhjen e një problemi kaq serioz për fshatin e tyre.

Operacioni për përmirësimin e rrugëve me të ardhurat e veta apo me ndihma të qytetarëve në çdo fshat të Bashkisë së Finiqit vazhdon sipas programit të autoritetit drejtues të saj. Kjo javë u mbyll me përmirësimin e tre segmenteve të shkatërruara në fshatin Vrion si dhe me kryerjen ndërhyrjeve në kanalin vaditës KK3 për të realizuar në kohë vaditjet e kërkuara kultivuesit e misrit, vreshtit apo të jonxhës në Vurgun e Sipërm.
Në fshatin Vrion u shtruan në total me beton rreth 300 metra rrugë në maloren e Mulirit, në Lagjen e Sipërme dhe mbi kishën e Shën Mamas, si dhe u shtrua me bigor rruga nga Shelegari deri tek shkolla 9-vjeçare.
Kryetari i fshatit zoti Leonidha Harito dhe banorët e përhershëm të fshatit i shprehën mirenjohjen e tyre ndaj kryetarit të bashkisë zotit Kristo Kiço për mbajtjen e fjalës së dhënë para zgjedhjeve për realizimin e këtyre investimeve të cilat ishin vërtet të domosdoshme në këtë fshat.

TEMA: Njoftim për shtyrjen e afatit të tenderit

Livadhja – Pajisjet e Qendrës Kulturore, Del 3.3.4 Projekti “RyTHM” – Project Fostering Creativity and Connecting Cultural Assets through Monuments
Nr . Ref. 02
Bashkia Finiq, synon të japë një kontratë furnizimi për Pajisjet e Qendrës Kulturore-Livadhja , Del 3.3.4 “RyTHM” – Projekt, Fostering Creativity and Connecting Cultural Assets through Monuments me ndihmë financiare nga INTERREG IPA CBC Greqi – Shqipëri 2014 -2020.
Bazuar në kërkesën e konsorciumit të kompanive, të cilët shprehin interes për pjesëmarrje në tender, Bashkia e Finiqit, duke marrë parasysh vështirësitë e krijuara për shkak të situatës së Covid -19 për kompanitë koordinuese për përgatitjen e dokumenteve të tenderit, zgjat afatin e fundit të dorëzimit të dokumenteve me 15 ditë.
Konsorciumet që kanë shprehur interes janë të ftuar të paraqesin ofertat e tyre brenda 1.06.2020
Informacioni i mundshëm shtesë ose sqarimet / pyetjet do të publikohen në faqen e internetit të Autoritetit Kontraktues, si dhe personit përgjegjës vijues
VELTA DALANAJ
Bashkia Finiq
FINIQ, Kodi postar 9716
Tel +355686055695

E-mail: [email protected],
[email protected]

Ekipi i palodhur i përmirësimit të rrugëve vazhdon veprën e tij me interes publik duke ndërhyrë në infrastrukturën e fshatrave të Bashkisë Finiq. Në pothuajse një javë ka shtruar me beton tapetin e disa segmenteve në fshatrat Bistricë dhe Finiq. Bëhet fjalë për 495 metra linearë rrugë që për çdo vit gërrzheshin nga ujrat e shiut dhe materialet e tyre bllokonin rrugën kryesore.
Sipas programit të vitit 2020 ndërhyrje të tilla do të bëhen në shumë fshatra.

U hap pas 30 vjetësh segmenti i kanalit vaditës që kalon nga tuneli i kryqëzimit të Kranesë nga Sherbimi i Kullimit dhe Ujitjes së Bashkisë Finiq. Kjo pjesë e kanalit prej 1,5 km do të shtojë sasinë e ujit të vaditjes në rreth 900 ha tokë e cila dhe sivjet u kultivua nga të rinjtë e zonës me jonxhë, misër dhe perime.
Gjithashtu këto ditë u veshën me beton 300 mtra kanal në Çaush, 700 metra në Mesopotam dhe 100 metra në toponimin Dusha.
Kryetari i Bashkisë zoti Kristo Kiço referon se punimit u bënë në kushtet e pandemisë nga koronavirusi për të kënaqur në kohë kërkesën e përhershme të fermerëve për sasinë e duhur të ujit vaditës me qëllim që mundi dhe investimi i tyre në bujqësi të ketë sukses.

Vazhdon vepra e ristrukturimit të pjesëve të vështira të rrugëve në çdo fshat të bashkisë Finiq. Kësaj here ndërhyrja u bë në fshatin malor Livinë, ku grupi i punës së basjkisë sistemoi dhe shtroi me beton 270 metra linear rrugë në pjesë të vështira duke përmirësuar kalimin për në qendër dhe nëpër lagje.
Sipas kryetarit të bashkisë Finiq, Kristo Kiço që ishte prezent gjatë kryerjes së punëve, vepra dë të vazhdojë edhe në fshatrat e tjera pavarësisht nga vështirësitë që krijoi kriza shëndetësore.