Shërbimi i Mirëmbajtjes së Infrastrukturës i Bashkisë Finiq përfundoi dje shtrimin me beton të rreth 90 metrave në katër segmente të vështira të rrugës së Dhrovjanit. Për këtë fshat, i cili përbën një vlerë të veçantë të historisë së trevës sonë dhe një destinacion potencial të rëndësishëm turistik, autoriteti bashkiak përpiqet të sigurojë nga shteti fondet e nevojshme për përfundimin e gjithë projektit për këtë aks rrugor.
