Shtrimi me beton i 1500 metrave rrugë të brendshme të fshatit malor të bashkisë Finiq, Zminec përfundoi këto ditë. Puna filloi dy muaj më parë dhe u kurorëzua me sukses falë bashkëpunimit të shkëlqyeshëm të kryesisë së fshatit, shoqatës dhe autoritetit bashkiak. Nga banorët e fshatit të Zminecit brënda dhe jashtë vendit , u mblodhën 10 mijë euro dhe u investuan për blerjen e materialeve, ndërsa bashkia ofroi punëtorë, makineri dhe 100 metra kub beton. Ishte hera e parë në periudhën post-sistem që një projekt kaq i madh me përfitim publik realizohet në Zminec, i cili ndryshon imazhin e fshatit dhe frymëzon banorët në mënyrë që të investojnë në të ardhmen. Kryetari i bashkisë së Finiqit, Z. Kristo Kiço, falënderon kryesinë e fshatit, shoqatën dhe të gjithë banorët që kontribuan në këtë përpjekje së bashku me bashkinë.Autoriteti bashkiak do të jetë gjithmonë pranë tyre dhe do të mbështesë çdo iniciativë të tillë që ofron shpresë për komunitetin tonë.
199882129_2928492724090223_603365649786454799_n 200818797_2928492687423560_3530430634818186027_n 201577824_2928492637423565_3328081737746915948_n 201638768_2928492790756883_4364519828724487365_n

There are no comments yet.

Leave a Reply

Your email address will not be published. Required fields are marked (*).