Tek rrugët e shkatërruara dhe të vështira të Dermishit u gjend dje grupi i përmirësimit të rrugëve të bashkisë Finiq. Që nga shtëpia e Jotopullos deri tek ajo e Guvelit u shtruan dy nga kthesat më të vështira të hyrjes së fshatit në gjatësinë 135 metra me 49 m3 beton dhe hekur nga fondi i bashkisë. Grupi i palodhur i punëtorëve i kryesuar nga drejtori Kristo Thanasi, inxhinjeri Spiro Jorgji dhe përgjegjësi i grupit Vangjel Pilo kryen të gjitha punimet me cilësi duke rekomanduar tek kryetari i fshatit të mirëmbante të freskët betonin për të mos u dëmtuar nga vapa e madhe. Për banorët e Dërmishit ky investim i vogël nga ana e bashkisë Finiq konsiderohet i rëndësishëm sepse merr fund mundimi i kalimit në hyrjen e rrugës kryesore të fshatit.
