NJOFTIM PËR KONSULTIM ME PUBLIKUN
Titulli : Konsultim publik për Paketën Fiskale të Bashkisë Finiq për vitin 2025 si edhe Buxhetin vjetor të Bashkisë Finiq për vitin 2025.
Propozuesi i projektaktit: Kryetari i Bashkisë Z. Romeo Çakuli.
Qëllimi: Ky bashkëbisedim me banorët dhe grupet e synuara te Bashkisë Finiq ka për qëllim mbledhjen e sugjerimeve të komunitetit lidhur me Paketën Fiskale të Bashkisë dhe Buxhetin e Bashkisë Finiq për vitin 2025.
Kalendari i konsultimit: Konsultimi me komunitetin do të zhvillohet në Bashkinë Finiq dhe Njësitë Administrative Livadhja , Mesopotam,Aliko,Dhivër sipas kalendarit më poshtë:
Data Ora Vendi
Livadhja 11.11.2024 11.00 Qendra kulturore
Aliko 12.11.2024 11.00 Pranë Njësisë admistrative
Mesopotam 13.11.2024 11.00 Pranë Njësisë admistrative
Dhivër 14.11.2024 11.00 Pranë Njësisë admistrative
Finiq 15.11.2024 11.00 Pranë Bashkisë
Gjithashtu, sugjerimet e tyre janë të mirëpritura, në adresat e emaileve: [email protected] dhe [email protected]
Pjesëmarrës:
Forma e konsultimit: Takim
| Qëllimi i këshillimit publik | Konsultimi publik në terren synon konsultimin për Paketën Fiskale të Bashkisë Finiq për vitin 2025 dhe Buxhetin e Bashkisë Finiq për vitin 2025. |
| Përshkrimi i çështjes | Miratimi i draftit të buxhetit vjetor dhe paketës fiskale është një vendim i rëndësishëm që merret nga Këshilli i Bashkisë, pasi përcakton fondet që do të përdoren për të gjitha shërbimet / funksionet e ushtruara nga Bashkia dhe performancën e tyre. Këshilli i Bashkisë duhet të sigurohet që fondet publike shkojnë për përmirësimin e shërbimeve që ofrohen nga Bashkia për komunitetin dhe adresojnë nevojat e tyre, brenda kapaciteteve financuese të Bashkisë. Për këtë, Këshilli i Bashkisë do të organizojë këtë konsultim publik për të marrë mendimin dhe sugjerimet e qytetarëve. Gjithashtu, niveli i taksave dhe tarifave në paketën fiskale janë një element shumë i rëndësishëm dhe proces i cili duhet të kalojë përmes konsultimit të gjerë në publik. |
| Kontaktet dhe afatet e dërgimit të komenteve, rekomandimeve, vërejtjeve; | Komentet dhe rekomandimet tuaja jepen në adresat e emailit të sekretarisë së Bashkisë Finiq dhe Këshillit Bashkiak: [email protected] dhe [email protected]. BRENDA DATËS 15.11.2024 |
| Shpjegim të procesit që do ndjekë dhe veprimet qe do të ndërmarrë Këshilli për të shqyrtuar rekomandimet nga publiku deri në marrjen e vendimit | Dërgimi i sugjerimeve të komunitetit do të jetë i mundur deri në datën 15.11.2024, nëpërmjet adresave të mesiperme; Pas mbledhjes së rekomandimeve, Këshilli i Bashkisë dhe Bashkia Finiq do të ndjekë hapat si vijon: Realizimin nga ana e Sekretariatit të Këshillit i një Përmbledhje të Rekomandimeve dhe rezultateve të plota të takimit që përfshin të gjitha mendimet dhe propozimet që do të vijnë nga komuniteti dhe bërja publike e kësaj Përmbledhje;Dërgimi i kësaj Përmbledhje Rekomandimesh Kryetarit të Bashkisë, Komisionit të Ekonomise dhe Financës, taksave dhe tarifave dhe çdo këshilltari të bashkisë;Shqyrtimi nga ana e komisionit të ekonomisë dhe financës, taksave dhe tarifave të cdo rekomandimi dhe opinioni. Publikimi i aktit në faqen e Këshillit të Bashkisë dhe në tabelat e informimit;Njoftimi i administratës për aktin e miratuar.Monitorimi i zbatimit të tij. |
| Data e publikimit | 06.11.2024 |
